कार्यभाराधिक्यम्

पतिः पुत्रं पाठशालातः गृहमानीतवान्। गमनागमनसमये अपि सः अनवरतेषु वृत्तिमधिकृत्य दूरध्वनिवार्तालापेषु व्यग्रः आसीत्। सः पत्नीं पृष्टवान्, "आवयोः पुत्रः क्रान्दं क्रान्दमेव आगतः। एतस्य स्वास्थ्यं सम्यक् नास्ति वा?"

"न", पत्नी उत्तरयति, "सः आवयोः पुत्रः नास्ति। एतत् कथयितुं प्रयत्नान् कारं कारं सः रुदन् अस्ति।"

😊😀

चिरन्तनप्रीतिः

वृद्धः एकः केनापि पृष्टः, "आ सप्ततिवर्षेभ्यः भवान् पत्नीं प्रियतमे, मधुरे, प्रेमिके इति सम्बोधयन् अस्ति। किं रहस्यमेतस्य चिरन्तनप्रीत्याः।"

वृद्धः, "प्रेम्णः विषयः नास्ति एषः। अहं  तस्याः नाम विस्मृतवान्। तत् प्रष्टुं धार्ष्ट्यं नास्ति मयि।"

फवादमहोदयः

पाकिस्ताने कुत्रचिदपि :-

साक्षात्कारी :- फवादमहोदय, भवान् भारतदेशं किमर्थं त्यक्तवान्।

फवादः :- भारते राष्ट्रीयं स्वच्छीकरणाभियानं प्राचलत् यस्मिन् अखिलं मालिन्यं अपवारितम्। तस्यांशोऽहं भारतेण त्यक्तः।

स्कुटीसुधारकः

😁स्कुटीसुधारकः

महोदये, यन्त्रे पर्याप्तं तैलं नास्ति

स्थगनसाधनमपि निष्प्रयोजिकः

.

👸 महिला :

एताः तु न्यूनतराः समस्याः सन्ति

भवान् दर्पणयोः सुधारं करोतु..!

🙆💃💅💄💋

व्यस्तः पतिः

😜😭😭😝😜😣😳😄

पत्नी पतिं ताडयन्ती आसीत्।

प्रतिवेशी उक्तवान्, "किमर्थं ताडयसि वराकमेनम्??"

पत्न्योक्तम्, "एषः वराकः नास्ति। यदा  एतं दूरध्वनिं कृतवती, तदा महिला एका एतस्य दूरध्वनिमुत्थाप्य उक्तवती, 'येन साकं सम्पर्कं कुर्वती भवती, सः साम्प्रतं व्यस्तोऽस्ति।' ......."

मद्यम्

पत्नी :- आपणं प्रतिष्ठे अहम्। भवान् किमानेतुमिच्छति?

पतिः :- अहं मम आयुषि कोऽपि लक्ष्यमिच्छामि। मम जीवनस्य हेतुः कः एतदन्विष्टुमिच्छामि। मम आत्मा सन्तृप्त्या, सम्पूर्णत्या च संवलितः भवेत् इति कामयेऽहम्। भगवता सह नैकट्येन अध्यात्मानुभूतिं च अवेक्षेऽहम्......

पत्नी :- स्पष्टं कथय। ब्लैक् लेबल्🍻 वाञ्छसि उत चिवास् 🍺

तिलकणः

एका पौराणिककथा अस्ति यस्मिन् एकः एव तिलकणः सप्तजनैः विभाज्य खादितम्।

अद्यत्वे तथा एव

कोऽपि रुग्णः प्राप्ते सति

👷वैद्यः ,

🤓🤓समुपदेशकः ,

😎 विशेषज्ञः ,

🤒रक्तपरीक्षणप्रयोगशाला ,

विकिरणचिकित्सकः,

🏥औषधविक्रेता

👨👨रुग्णालयकर्मचारिणः

सर्वे रुग्णात् प्राप्तं धनं विभाज्य उपभोक्तुम् उद्यताः सन्ति।

अतः आरोग्ये जागरूकता विधेया, निरोगिणः भवेयुः।

अन्यथा भवतः स्थितिः तु निश्चयेन तिलसदृशी भवेत्।

😬😁😐😑😒😞😟🙄🤔

पाटलपुष्पम्

पुणेनगरीयां पाठशालायां घटिता घटनैषा। एकः शिक्षकः छात्रस्य पितरम् आक्षेपपत्रं प्रेषितवान्, यस्मिन् लिखितमासीत्,

"पाठशालां प्रेषणात् प्राक् भवतः पुत्रं स्वच्छं स्नापयतु , स्वच्छाणि वस्त्राणि च तं परिधापयतु। नित्यं दुर्गन्धः आयाति तस्य शरीरात्।"

जोशीमहोदयः (छात्रस्य पिता) प्रत्युत्तरं प्रेषितवान्, "मम पुत्रः पाटलपुष्पं नास्ति यत् सुगन्धं सृजति। भवान् एतत् सर्वमविगणय्य अध्यापने एव अवधानं विदधाति चेत् वरम्।..👳 "

😆😜😀😛😆😄

उपसर्पणम् (zoom in)

जङ्गमदूरवाणिसञ्चोपयोगस्य एतावता अतिरेकं भूतमस्ति, ह्यः प्रतिवेशिनि आसन्दे उपविष्टः एकः सहसैव वृत्तपत्रस्थं चित्रं द्वाभ्याम् अङ्गुलीभ्यां नुत्त्वा उपसर्पणं (zoom in)कर्तुम् उद्यतः।

😀😀😀

यानमार्जनवस्त्रम्

भग्नं प्रेम पुनः लभेत किन्तु चोरितं यानमार्जनवस्त्रं तु न कदापि लभेत। 
अहो जघन्यं चौर्यम्।

😀😀😀

स्वयम्प्रचोदनप्रणाली

स्वयम्प्रचोदनप्रणाल्याः (self start) योजनेन तु अधुना चपेटाप्रहारेण अधः पतन्तः कृशयष्टयः जनाः अपि स्थूलकायं बुलैटयानं चालयन्तः उपश्लाघां प्रदर्शयन्ति।

😀😀😀

धार्मिककार्यक्रमाः

अद्यत्वे तु दूरदर्शने धार्मिककार्यक्रमाणाम् एतावान् अतिरेकः जातः अस्ति यत् शयनसमये पादौ दूरदर्शनसञ्चस्य दिशि प्रसारयितुं धार्ष्ट्यमेव न भवति, शापितः तु न भविष्यामि इति भीत्या

😀😀😀

गान्धारी कुन्ती च

*गान्धारी* : मम सर्वे पुत्राः ATM पङ्क्तौ स्थित्वा प्रत्येकः द्विसहस्त्ररुप्यकाणि निष्कासितवान्। अनेन मया द्विलक्षरुप्यकाणि प्राप्तानि।

*कुन्ती* : वृथैव भूरिश्रमाः कारिताः त्वया पुत्रेभ्यः। मम पञ्चैः पुत्रैः द्रौपद्या सह विवाहं कृतं यस्य कृते प्रत्येकेण सार्धद्विक्षरुप्यकाणि, सर्वमादाय सार्धद्वादशलक्षरुप्यकाणि  अधिगतानि।

💃🏻💃🏻😜😜😜😝🙄😇😇

तृतीयः विवाहः

पुत्रद्वयानां मातुः तृतीयः विवाहः सम्पद्यमानः आसीत्।

प्रदक्षिणावेलायां एकः पुत्रः रोदितुम् आरब्धवान्। बहुधा अनुनीयमाने, बोध्यमाने अपि तस्य रोदनं न स्थगितम्।

अन्ते च आतङ्किता वधू उक्तवती, "तूष्णीं भव पुत्र, अन्यथा मम अग्रिमे विवाहे त्वां न नेष्यामि।"

वरः मूर्च्छितः मण्डपे एव😛😛😛😛

दण्डः vs करः

*व्यावसायिक:* :- दण्डः इत्युक्ते किम्?

*प्रशासनिकः लेखपालः* :- कुकर्मणे प्रदत्तः करः दण्डः इति कथ्यते।

*व्यावसायिक:* :- करः इत्युक्ते किम्?
*प्रशासनिकः लेखपालः* :- सुकर्मणे प्रदत्तः दण्डः करः इति कथ्यते।

वयं राष्ट्रं न विक्रीणीमः

राजनेतुः महार्घकारयाने चतुष्टये स्थगिते जाते ध्वजविक्रयकः बालः एकः राष्ट्रध्वजं विक्रेतुं कारस्य नैकट्ये आगतः। किन्तु उद्धतः राजनेता न केवलं ध्वजं क्रीतवान् प्रत्युत तं बालमेव तर्जितवान्, 
"सर्वदा त्वं किमपि विक्रयणे समयव्ययं करोषि -- कदाचित् वृत्तपत्रं, कदाचित् करवस्त्रं तु कदाचित् क्रीडनकम्। किं वस्तु अस्ति जगति यत् त्वया न विक्रीयते?"

निरुपद्रवः बालः उत्तरितवान्, "वयं राष्ट्रं न विक्रीणीमः।"

सुरक्षादिवसः

कारयानेन अटन् परिवारः एकः परिवहनारक्षकेण स्थगितः।

आरक्षकः :- अद्य सुरक्षादिवसोऽस्ति। सुरक्षोपायान् प्रति जागरूकाय, सुरक्षानियमान् च अनुसरते भवते सर्वकारेण 5000 रुप्यकाणि दीयन्ते उपहाररूपेण। कथयतु किं करिष्यति भवान् एतम् उपहारं अवाप्य?

कारचालकः - आदौ तु अहं यानचालनाय अनुज्ञप्तिपत्रं क्रीणामि।

आरक्षकः - 😳😳😳....??

कारचालकस्य माता - एतस्य वचसः तीव्रान् मा परिगणयतु । मद्यं पिबन् एषः किमपि असम्बद्धं वदति।

आरक्षकः - 😰😰😰....??

तावतैव कारचालकस्य पिता निद्रायाः जागरितः सन् आरक्षकं दृष्ट्वा उद्गीरितवान्, "मया तु आदौ एव उक्तमासीत् यत् एतं चोरितं कारयानं अधिकं दूरं नेतुं न शक्ष्यामः वयम्।

आरक्षकः - 😖 😖😖 मूर्च्छितः .......???

शुभवार्ता

आ रात्रेः वमतीं, प्रातः लिम्बूकं लिहन्तीं स्नुषां दृष्ट्वा सर्वे परिवारजनाः आनन्दिताः, गृहं प्रमोदछायायाम् आवृत्तम्। तस्याः स्वसा वैद्यम् आहूतवती "शुभवार्तां" निश्चितीकर्तुम्।

वैद्यः आगतः, तां परिशीलितवान्, तस्यै सूच्यौषधं दत्त्वा उक्तवान्, "सा शीघ्रमेव सामान्यस्थितौ आयास्यति।"

स्वसा - महोदय, किमभवत्। एषा स्वस्थास्ति किम्?

वैद्यः - अलं चिन्तया। 

स्वसा - सूच्यौषधं किमर्थं दत्तम्?

वैद्यः - एतत् सुषवप्रभावनाशकौषधम् (anti alcohol)। अनेन तस्यां स्थितः मद्योन्मादः अपवार्येत। मद्यसेवने परिवर्तनेन एषा समस्या उत्पद्यते। 
😜😜😂😂😂😂

चतुरङ्गक्रीडा

चतुरङ्गक्रीडा तु विवाहितपुरुषस्थितेः द्योतका, यस्यां वराकः राजा केवलं एकं पदम् अग्रे स्थापयितुम् अर्हति किन्तु सामर्थ्यशालिनी राज्ञी तु कुत्रचिदपि कतिचिदपि स्थानान् आक्रान्तुं शक्नोति।

अर्चकः, अधिवक्ता, राजनेता

💥💥💥💥💥💥💥

प्र. :- अर्चकः, अधिवक्ता,  राजनेता एतेषु भेदः कः?

उ. :- अर्चकः असत्यं न कदापि वदति, अधिवक्ता सत्यं वक्तुम् अक्षमः। राजनेता तु सत्यासत्ययोः भेदः एव न जानाति।

- आर्. के. लक्ष्मणमहाभागः

हैदराबादीयः आटोचालकः

✈✈✈✈✈✈✈✈✈

अमेरिकादेशे विमानः एकः दुष्करवातावरणेन दुष्प्रभावितः सन् नियन्त्रणात् च्युतः जातः, पर्वताणां समीपे आगतः।

किन्तु अनुभवी, कुशलः विमानचालकः विमानं पर्वताणां वलित्वा, यथा पर्वतान् न घट्टयेत् तथा वक्रं मार्गक्रमणं कृत्वा सुरक्षितस्थितौ विमानपत्तने अवतारितवान्, अपघातं च परिहृतवान्।

विमानपत्तने सर्वैः अभिनन्दितः सत्कृतः सः केनापि कौतुहलवशात् पृष्टः, "एतादृशः कौशलः भवता कुतः प्राप्त? "

तेनोक्तम्, "इतः पूर्वम् अहं हैदराबादे आटोयानचालकः आसम्"।

🤔😆😜😅😎😄😂😇

हृदये निवासम्

अहो कीदृशाः संशीत्यः आयान्ति पत्नीनां मनस्सु।

पत्युः हृदयचिकित्सासाफल्यात् अनन्तरं सा चिकित्सकं पृष्टवती

अस्त ❤हृदये कापि अन्या🙆 निवसती आसीत् किम्?!!! 
😜😜😜😜😜😜😀😀😀😀😀😀😀

न्यूना विद्युच्छक्तिः

👩युवती - मम 📱 सदा एव मम मातुः सकाशमेव अस्ति।

👦युवकः (तस्याः सखा) - एवं सति अहं दूरध्वनिं करोमि चेत् सा जानीयात् मद्विषये, न हि?

👩युवती - चिन्तामास्तु, तव क्रमाङ्कः मया "न्यूना विद्युच्छक्तिः" (battery low) इति नाम्ना रक्षितोऽस्ति।😂😂😂

तव दूरध्वन्याह्वाने प्राप्यमाणे मम माता तत् "न्यूनशक्तेः अधिसूचनां" मत्वा 📱सञ्चं शक्तिपूरणाय मह्यं यच्छति।

युवत्याः युक्त्यतिरेकम् दृष्ट्वा साश्चर्यं मूर्च्छितः युवकः।

😂😂😂😂😂😂😂

अवकरकण्डोलः

पुणेनगरे स्वारगेटबसस्थानके मुम्बईनगरीया महाविद्यालयीया युवती एका स्थगितं बसयानं दृष्टवती। तस्मिन् यानम् आरोढुम् इच्छन्ती, यानम् आरब्धुं प्रतीक्षमाणा सा भर्त्सनस्वरेण बसयानायोजकं (conductor) पृष्टवती, "एतत् कण्डोलं दूरं कदा नीयते?" 

बसयानायोजकः - अवकरैः पूर्णः भवति चेत् अनुक्षणमेव।

तात्पर्यः - पुणेनगरीयेण बसयानायोजकेन सह वितण्डनं न करणीयम्

🤣🤣🤣😃😃😃😃🤣🤣

याचकः

याचकः - महोदय, अतीव क्षुधितोऽहम्। कृपया पञ्चरूप्यकाणि यच्छतु।

पुणेनगरीयः - मत्सकाशं 100 रुप्यकमुद्रास्ति। 95 रुप्यकस्य परिवर्तः अस्ति किं त्वत्सकाशम्?

याचकः - आं महोदय। अस्ति मत्सकाशम्। 

पुणेनगरीयः - एवं सति आदौ तान् 95 रुप्यकान् तु व्ययीकुरु, अनन्तरं याचनां कुरु।

🤣🤣🤣😃😃😝😝

Wi-fi कूटशब्दः

पुणेनगरे एकस्य निःशुल्कस्य वितन्तुसञ्चारजालस्य (free wi-fi) कूटशब्दः, "हे याचक"।

🤣🤣🤣😃😃😃😃🤣

निषिद्धं कन्या-आवासगमनम्

शिक्षकः पुरुषछात्रान् :- कन्या-आवासं प्रति गमनं निषिद्धमस्ति। यदि कोऽपि एतं नियमम् उल्लङ्घति, तेन ₹100 रुप्यकात्मकः दण्डः प्रदेयः भवेत्...😳

यदि कोऽपि पुनः तत्र गच्छेत् तर्हि दण्डः ₹200 भवेत्...😲

तृतीयवारं केनापि गम्यते चेत् ₹500 !!!😱

एकः छात्रः - आचार्य, तत्र गमनार्थं मासिकचिटिकार्थं कियान् व्ययः भवेत्.....!!!!

😜😜😜😜😝😝😝😝😝😝

त्रुटिनाम् अवेक्षणम्

😀

शिष्यः - गुरुवर्य, मयि स्थिताः त्रुटयः कथम् अवेक्षणीयाः? कृपया साहाय्यं करोतु।

गुरु: - एतां सुलभसमस्यां निवारयितुम् एतावत् दूरम् आगतस्त्वम्? एतस्याः तु समाधानमपि सुकरम्। तव पत्नीं वदतु यत् सा स्थूला संवृत्ता अस्ति। अनुक्षणं सा न केवलं त्वदीयान् अपि तु तव कुले आ सप्तवंशेभ्यः संस्थितान् त्रुटिन् ज्ञापयिष्यति।

😂😂

विद्युदपगमनम्

अमेरिकादेशे विद्युत् अपगच्छति चेत् जनाः विद्यदापूर्तिकार्यालये दूरध्वनिं कृत्वा पृच्छां कुर्वन्ति। 😁

जापानराष्ट्रे यदा विद्युत् अपगच्छति, तदा जनाः फ्यूज् परीक्षणं कुर्वन्ति।😯😊

किन्तु भारते यदा  तथा भवति तदा......

सर्वे बहिः आगत्य प्रतिवेशिनां गृहेष्वपि विद्युत् अपगता ज्ञात्वा संतृप्ताः भवन्ति।

😅😅😅😂😂

कारयानस्य क्षालनम्

पप्पुः कारयानं क्षालयन् आसीत्। तावता एव एका महिला तत्रागता, पृष्टवती च "कारयानं क्षालयन् असि?"😁😁

सिद्धोत्तरः पप्पुः व्यङ्गात्मकरूपेण उक्तवान्, "न हि, अहं तु कारयानेजलं सिञ्चामि येन तत् वर्धित्वा बसयानं भविष्यति।

महिला मूर्च्छिता 😝😝

वैकल्पिकः पाठः

वैद्यः - भवतः स्थितिः महती क्लिष्टा।

रुग्णः - किम् अभवत् वैद्य?

वैद्यः - पाठ्यक्रमे वैकल्पिकः आसीत् इत्यतः मया एकः पाठः दुर्लक्षीकृतः आसीत्। भवान् येन रोगेण ग्रस्तः सः ज्वरः तस्मिन् एव पाठे विवृतः आसीत्। 😇 

कथं न धावेयम्

कथं न धावेयम्

रमेशः ~ अरे! किमर्थं त्वं शस्त्रक्रिया-पर्यङ्कात् पलायितान्?

सुरेशः ~ परिचारिका निरन्तरं वदति स्म भीतिर्मास्तु आततिं त्यज एषातु सरला शस्त्रक्रिया इति।

रमेशः ~ रे! मूर्ख! तदापि धावितवान् नु कुत्र गतं तव धैर्यम् ? तस्याः वचनानि श्रुत्वाऽपि धैर्येण स्थातुं न शक्तवान् किम्!?

सुरेशः ~ पूर्णं शृणु मन्द! एतत् सर्वं सा वैद्यं प्रति वदति स्म!

😆😆😆😆😄

.